Li gor raporekê li Efrînê di meha Tîrmehê de 50 kes ji aliyê grûpên çekdar ve hatine kuştin û 130 kes jî hatine girtin.
Navenda Belgekirina Binpêkirinan li Rojavayê Kurdistanê û Bakurê Sûriyê, di rapora xwe ya Tîrmeha 2019an de radigihand ku li Efrînê, 50 kes ji aliyê çekdarên opozîsyona Sûriyê yên ser bi Tirkiyê ve û deverên ‘Mertala Firatê’ hatine kuştin û 130 kes jî hatine girtin.
Navenda Belgekirina Binpêkirinan li Rojavayê Kurdistanê û Bakurê Sûriyê di rapora de dibêje ku di Tîrmeha borî de 50 kes li herêma Efrînê û deverên ‘Mertala Firatê’ hatine kuştin ku 6 ji wan zarok in û 4 kes jî di bin îşkenceyê de hatine kuştin.
Herwha tê ragihanin ku 130 kes ji aliyê çekdarên opozîsyona Sûriyê yên ser bi Tirkiyê ve, li Efrînê û deverên ‘Mertala Firatê’ hatine girtin û ji 20 kesan fidye li beramber berdana wan hatiye xwestin.
Navenda Belgekirina Binpêkirinan li Bakurê Sûriyê dibêje di Tîrmeha bihorî de, 26 bûyerên teqînan li herêma Efrînê û deverên ‘Mertala Firatê’ çêbûne.
Di wan 26 bûyerên teqînan û di girtina ser malan de, 133 kes birîndar bûne, ku di nava wan de 19 zarok hene.
Li gor raporê Artêşa Tirkiyê 18 caran deverên li Rojhilatê Firat û Şehbayê topbaran kirine û di encamê de ji bilî ziyanên madî, kesek hatiye kuştin û 12 kes jî birîndar bûne.
Di Tîrmeha borî de, 26 şer û pevçûnên navxweyî, di navbera grûpên çekdar bi xwe de çê bûne, ku di encamê de 19 çekdar hatine kuştin û 20 jî birîndar bûne.
Herwiha tê ragihandin ku 12 penabrên Sûriyê li ser sînorê di nabera Sûriyê û Tirkiyê de, ji aliyê pasevanên Tirkiyê ve hatine kuştin.
Raporta kenala @RudawKurdi li ser binpêkirinên dewleta Tirkiyê li Bakurê Sûriyê di Tîrmehê de.
@Imerkalo https://t.co/T2sCGRSecP— VdC-NsY Northeastern Syria (@vdcnsy) August 9, 2019